Бэнэдыкт XVI: задача біскупаў – навучаць вернікаў удзелу ў святарскім і прароцкім
служэнні
15 верасня ў сваёй
летняй рэзідэнцыі ў Кастэль Гандольфа Бэнэдыкт XVI сустрэўся з каталіцкімі іерархамі,
якія нядаўна прынялі біскупскую сакру. У сваёй прамове да біскупаў, Папа адзначыў,
што ўжо дзесяць год іcнуе такая традыцыя, што новапрызначаныя іерархі прыязджаюць
разам у Рым, да гроба апостала Пятра, каб паразважаць аб сэнсе свайго асаблівага служэння.
Ініцыятарам такіх сустрэч, з’яўляецца Кангрэгацыя па справах Біскупаў, якая імкнецца
такім чынам рэалізаваць выхаваўчыя накірункі акрэсленыя ў пост-сінадальнай Апостальскай
адгартацыі “Pastores gregis” (“Пастыры статкаў”).
Бэнэдыкт XVI звярнуў увагу
на некаторыя важныя аспекты біскупскага служэння. Па-першае Святы Айцец адзначыў важнасць
біскупскай калегіяльнасці і адзінства. Акрамя таго, Папа звярнуў увагу на важнасць
прыняцця біскупамі харызматаў неабходных для будавання Касцёла, якія яны атрымаліваюць
ад Святога Духа. “Біскупскае пасвячэнне ўмацавала ў вас поўню сакрамэнта, які ў касцёльнай
супольнасці, неабходны для служэння вернікам, іх духоўнага роста і святасці”, - сказаў
Святы Айцец.
Бэнэдыкт XVI падкрэсліў, што важнай задачай біскупаў з’яўляецца
навучаць вернікаў, больш інтэнсіўна ўдзельнічаць у святарскім і прароцкім служэнні,
дапамагаючы будаваць Касцёл, згодна з дарамі атрыманымі ад Бога. “Прымаючы, судзячы
і прызначаючы розныя дары і харызматы, біскуп здзейсняе вялікую ласку і каштоўнае
служэнне для святарства вернікаў і жыцця Касцёла, які заззяе як нявеста Пана, апранутая
ў святасць сваіх дзяцей”, - сказаў Бэнэдыкт XVI.
Папа заклікаў біскупаў заўсёды
паглыбляць сваё духоўнае жыццё, углядацца ў прыклад Добрага Пастыра, праз малітву
і разважанні свае думкі і чалавечыя цноты набліжаць да Бога.