Каталіцкія біскупы
Канады скіравалі спецыяльнае пасланне да сем’яў краіны, у якім пішуць аб жыцці, чалавечай
годнасці і ролі сям’і ў грамадскім жыцці. Яны спадзяюцца, што іх пасланне дапаможа
бацькам, настаўнікам, пастырам і катэхэтам выслухаць маладых людзей, якія шукаюць
ідэалаў і сэнсу жыцця. “Кожнае дзіця паклікана Богам да спецыяльнай місіі. У сям’і
яно вучыцца пазнаваць Бога і давяраць Яму аж да дня, у якім зразумее заклік да любові,
якой любіць Езус, аддаючы сябе іншым”, - сцвярджаюць біскупы. Іерархі запрашаюць бацькоў,
каб іх дзеці прымалі ўдзел у жыцці і дзейнасці Касцёла, “бо ў ім яны вучацца распазнаваць
голас Бога, які заклікае іх прытрымлівацца свайго паклікання”,
У звароце да
сужонкаў біскупы падкрэсліваюць сакраментальнае вымярэнне шлюбнага саюза, які дае
пачатак сям’і “асноўнай ячэйкі грамадства і хрысціянскай супольнасці”.
Гаворачы
аб святарскім служэнні біскупы адзначылі, што святар, “атрымаўшы пасвячэнне павінен
поўнасцю ахвяраваць сябе Богу, які даручае яму навучаць, асвячаць і кіраваць вернікамі”.
“Вернікі, чакаюць, што святар будзе “спецыялістам” ў спрыянні сустрэчы чалавека з
Богам, а не экспертам у эканоміцы і палітыцы”, - пішыць канадскія іерархі.
Біскупы
закранаюць таксама пытанне апостальскага цэлібата, які прымаюць свецкія асобы. Цэлібат
заклікае вернікаў “адмовіцца ад шлюба, каб ахвяраваць сваю душу і цела, для спрыяння
навяртанню і духоўнаму прагрэсу сваіх сучаснікаў”.