Ekspozitë e veprave të Benediktit XVI me rastin e vizitës apostolike në Gjermani
Shtëpia botuese gjermane Herder, në bashkëpunim me Librarinë dhe shtëpinë botuese
të Vatikanit (Lev), me rastin e vizitës së ardhshme të Benediktit XVI në Gjermani,
ka organizuar një ekspozitë të prezantimit të veprave të Jozef Ratcinger-Benedikti
XVI në përkthimet e tyre të shumta. Një ekspozitë unike në gjininë e saj, përgatitur
së pari në Kastelgandolfo për Atin e Shenjtë, pastaj për ata që janë të interesuar
më 16 shtator në Vatikan në Campo Santo Teutonico dhe së fundi më 24 shtator pranë
selisë së shtëpisë botuese Herder të Friburgut, ku ekspozohen afër gjashtëqind vëllime
që përfaqësojnë mase njëzetepesë Vende të botës. Në këtë mënyrë shtëpia botuese Herder
dhe Libraria e Shtëpia Botuese e Vatikanit duan t’i shfaqin autorit mirënjohjen dhe
lavdërimin e merituar, “Si bartëse e të drejtave të shkrimeve të Papës, për shtëpinë
botuese të Vatikanit është motiv i një kënaqësie të madhe të shoh të mbledhura në
një ekspozitë vëllimet e veprave të përkthyera në gjuhët kryesore të botës”, pohon
drejtori i Librarisë së Vatikanit, Giuseppe Costa. “Për ne do të jetë një gëzim
i madh fakti që do të kemi rastin t’ia paraqesim personalisht Papës ekspozitën me
vepra të tij, më 15 shtatorin e ardhshëm në Kastelgandolfo, pranë rezidencës verore”,
pohoi Manuel Herder.