Ռենովաբիսի 15-րդ Միջազային Համաժողով

Սեպտեմբերի 1-3-ը, Գերմանիայի Ֆրայզին քաղաքում տեղի ունեցաւ գերմանացի կաթողիկների Ռենովաբիս բարեգործական կազմակերպութեան 15-րդ միջազային համաժողովը։ Համաժողովին մասնակցում էին 300 ներկայացուցիչներ 29 երկրներից։ Որպէս Քոյր Եկեղեցու ներկայացուցիչ, սոյն ժողովին մասնակցեց Մայր Աթոռ Սուրբ Էջմիածնի Վարչա-տնտեսական բաժնի տնօրէն Մուշեղ վարդապետ Բաբայեանը։
Համաժողովի ընթացքում քննարկուեցին մի շարք խնդիրներ, որոնք վերաբերում էին Կենտրոնական եւ Արեւելեան Եւրոպայի գիւղական համայնքների կառուցուածքային փոփոխութիւնների ազդեցութեանը գիւղերում ապրող մարդկանց հաւատքի եւ կեանքի պայմանների վրայ։