Генеральны сакратар
Сусветнай Рады Цэркваў пастар Олаф Фіксэ-Твейт у пасланні з нагоды 10 гадавіны тэрактаў
у ЗША заявіў, што “тэрарызм ва ўсіх сваіх формах, ці то здзейсьнены пааасобы, групы
людзей ці дзяржавы павінен быць асуджаны”. У сваім звароце іерарх звяртае ўвагу на
тое, што “10 гадоў таму сотні людзей з больш чым 90 краінах свету загінулі ў тэрарыстычным
нападзе на ЗША. “Гэтыя падзеі з 11 верасня 2001 г. і вынікі таго, што здарылася пазней,
перш за ўсё вайна ў Афганістане і Іраку, пакінула глыбокі след ў першым дзесяцігоддзі
ХХІ стагоддзя. Яны пакінулі у спадчыне пакуты, болі, хаос і варожасць”,- напісаў пастар
Олаф Фіксэ-Твейт
Іерарх у сваім звароце адзначае: “мы павінны запытацца, што
было б лепшым адказам на гэтыя тэракты. Многія з нас пераканыя ў тым, што адмова ад
гвалту была б найлепшым адказам на гвалт і найбольш эфектыўным сродкам для дасягнення
трывала міру заснаванага на справядлівасці.”
Нарвежскі пастар нагадаў, што
“на рэлігіі ляжыць вялікая адказнасць. Мы павінны таксама прызнаць тое, што не можа
весці вайны ў імя рэлігіі. Няправільнае разуменне сэнсу рэлігіі можа прывесці толькі
да насільля, тэрору і вайны”. Іерарх заклікае рэлігійных лідэраў і людзей добрай волі
аб’яднацца ў пабудове трывалых адносін паміж людзьмі, заснаваных на павазе да чалавечай
годнасці і ўзаемнай павагі. “Умацаванне міру на свеце з’яўляецца самым найлепшым
спосабам, каб перамагчы падзелы”,- адзначыў пастар Твейт.