Rritet alarmi i terrorizmit në SHBA-të, para 11 shtatorit
Dy ditë para kremtimit të 10-vjetorit të atentateve të 11 shtatorit 2001, në SHBA-të
rritet alarmi i terrorizmit. Presidenti Obama ka kërkuar të dyfishohen përpjekjet
e sigursë para kërcënimeve, me sa duket të besueshme, për sulme me rastin e ceremonive,
që do të mbahen në Nju Jork e në Uashington. Ipeshkvijtë amerikanë nënvizojnë në një
komunikatë se ky përvjetor, përveç kujtimit të viktimave të dhunës terroriste, është
rasti për qytetarët të lenë pas ndryshimet e të rigjejnë frymën e bashkimit kombëtar
për të rinovuar vendin e botën.