Pishtari i ndezur në Lamezia Terme të Italisë në pritje të vizitës së Papës
Një pishtar i ndezur bekuar nga Benedikti XVI bartet këmbë prej një grupi të rinjsh
kalabrezë nga Roma deri në Lamezia Terme ku do të jetë dëshmitar e simbol për fillimin
e nismave parapërgatitore për vizitën baritore të Papës Benediktit XVI në dioqezën
kalabreze më 9 tetorin e ardhshëm. Të mërkurën më 7 shtator, gjatë audiencës së përgjithshme
mbajtur në Sheshin e Shën Pjetrit në Vatikan, në audiencën e parë të përgjithshme
pas atyre të kohës verore që janë mbajtur në Kastelgandolfo, Papa e bekoi Pishtarin
të cilin ia dorëzoi Kishës kalabreze. Kështu, ndërsa mungojnë pak ditë nga vizita
e Atit të Shenjtë Jozef Ratcinger në Akona të Italisë, ku do të shkojë këtë të diele,
në Lamezia Terme po vijohet me përgatitjet për pritjen e Benediktit XVI në vjeshtën
e ardhshme, brenda një muaji. Delegacioni i Kalabrisë, përbërë nga 30 të rinjsh të
shoqëruar nga don Adamo Castagnaro, do të bëjë tri etapa para se të arrijë në Katedralen
lametine, ku përfaqësuesit e famullive kishtare të kësaj dioqeze do të ndezin pishtarët
e tyre në shenjë gëzimi e pritjeje të pasardhësit të Shën Pjetrit në mesin e bashkësisë
së tyre të krishterë.