Кардынал Кордэс: Папа мае здольнасць набліжаць да Бога
“Крытыкі Бэнэдыкта
XVI шкодзяць адзінству Каталіцкага Касцёла ў Германіі”, - адзначыў кардынал Пауль
Ёзэф Кордэс, былы старшыня Папскай рады “Cor Unum”. Іерарх нямецкага паходжання, звярнуў
увагу на тое, што ў Германіі многія “публічныя асобы, нават хрысціяне, крытыкуюць
Касцёл з схізматычных пазіцый”. Гаворачы, аб дзейнасці некаторых нямецкіх палітыкаў,
іерарх адзначыў, што яны аказваюць ціск на Касцёл, патрабуючы яго рэфармавання. “Гэта
з’яўляецца недапушчальнымтым, бо парушае прынцыпы касцёльнага права”. – сказаў іерарх.
Акрамя
таго, кардынал Кордэс упэўнены у паспяховасці візіта Папы. Гаворачы, аб існуючых крытычных
поглядах на гэты візіт, іерарх узгадаў падобныя палемікі перад падарожжамі Святога
Айца ў Ізраіль, Францыю і Вялікабрытанію. “Я думаю незвычайная яснасць слоў Святога
Айца таксама і ў Германіі, дапаможа прарваць гэту эмацыянальную блакаду ”, - сказаў
кардынал Кордэс.
Іерарх звярнуў увагу на тое, што Пантыфіка вельмі паважаюць
у інтэлектуальных асяродках. Ён узгадаў аб дыскусіі якая адбылася ў 2004 г. паміж
нямецкім філозафам атэістам Юргенам Хабэрмасам і кардыналам Ёзэфам Ратцынгерам, аб
ролі каштоўнасцяў у сучасным свеце. Кардынал Кордэс сказаў, што яго асабіста вельмі
кранае здольнасць Папы “набліжаць чалавека да Бога”.