Papa: Zoti e dëgjon britmën e të shtypurve, është gjithmonë pranë nesh në dhimbje
Hyji e “dëgjon britmën e të shtypurit” dhe e shpëton atë që është në trishtim e në
dhembje, sepse “Zoti është përherë afër – edhe në vështirësi, në probleme, në errësirën
e jetës – dëgjon, përgjigjet e shpëton, sipas mënyrës së vet. Por duhet të dimë ta
nuhasim e njohim praninë e Tij dhe ti pranojnë udhët e Tij”. Ky është mesazhi i Papës
gjatë audiencës së sotme të përgjithshme, mbajtur paradite në Sheshin e Shën Pjetrit
në Vatikani. Benedikti XVI katekizmin apo më mirë të themi, meditimin e tij të sotëm
e përqendroi mbi Psalmin 3 të Biblës, që na referon tradita herbarike i kushtohet
Davidit në momentin kur u arratis para të birit të vet Absalonit. “Është një ndër
momentet më dramatike e të dhimbshme të jetës së mbretit, kur djali i tij e uzurpon
fronin mbretëror dhe e detyron ta lë Jerusalemin për të shpëtuar jetën”, shpjegoi
Papa Benedikti XVI, e, duke folur jashtë tekstit, nënvizoi se si situatat e rrezikut
dhe të trishtimit që është si sfond i lutjes, “na prekin personalisht, kur para aq
shumë problemeve, jemi të tunduar ta braktisim fenë: tundimi kundër fesë e besimit
në Zotit është sulmi i fundit, duke të jemi të qëndrueshëm”.
Ja Psalmi 3
i Biblës që ishte në qendër të reflektimit të Papës Benediktit XVI gjatë katekizmit
mbajtur në audiencën e sotme të përgjithshme:
PSALMI 3 Lutja
në mëngjes e të drejtit të përndjekur 1Psalm. I Davidit.
Kur u arratis para birit të vet Absalomit. 2 Sa shumë janë,
o Zot, ata që më salvojnë! Sa shumë nga ata që po më çohen kundër! 3
Shumë janë ata që thonë për mua: “As Hyji më nuk do ta shpëtojë”! 4
Por ti, o Zot, je mbrojtësi im, nderi im që lart ma mban kokën! 5
Zërin tim e lartësoj te Zoti dhe më vështron prej malit të vet të shenjtë. 6
Unë bie në shtrojë e fle e prapë zgjohem: sepse Zoti më ruan. 7
Jo, nuk i druaj njerëzit edhe me mijëra në qofshin që përqark më rrethojnë porsi
armiq. Ngrihu, o Zot, më shpëto, o Hyji im! 8 Shpullë ua pëlcet
turinjve armiqve të mi, dhëmbët ua thyen mëkatarëve! 9 Shpëtimi
vjen prej Zotit: bekimi yt mbi popullin tënd!