2011-ի Նորօծ Եպիսկոպոսները Դասընթացքի Կը Հետեւին, Վատիկանի Եպիսկոպոսներու Ժողովի Կազմակերպութեամբ։
2011 տարւոյն ընթացքին աւելի քան 130 նորօծ եպիսկոպոսներ, որոնց շարքին երկու հայ կաթողիկէ
եպիսկոպոսներ՝ արհիապատիւ Ռափայէլ Արք. Միանասեան` առաջնորդը Հայաստանի, Վրաստանի ու
Արեւելեան Եւրոպայի երկիրներու եւ Արհիապատիւ Միքայէլ եպիսկոպոս Մուրատեան` առաջնորդը
Հիւսիսային Ամերիկայի, սեպտեմբեր 7-16 կը մասնակցին կազմաւորումի մէկ նիստի մը Վատիկանի
նախաձեռնութեամբ։ Եպիսկոպոսները պիտի հետեւին շարք մը դասախօսութիւններու` օրական երեք
դասախօսութիւն։ Իսկ 15 սեպտեմբերին նորօծ եպիսկոպոսները հանդիպում պիտի ունենան Պենետիկտոս
ԺԶ Սրբազան Քահանայապետի հետ, Գասթել Կանտոլֆօ՝ քահանայապետական ամարանոցին մէջ։