4 верасня ў індыйскай
дыяцэзіі Куілон, у штаце Керала, быў пашкоджанны каталіцкі касцёл. Біскуп дыяцэзіі
Стэнлі Рамон расказаў інфармацыйнаму агенцтву “Fides”, што занепакоены пашырэннем
рэлігійнага экстрэмізмама ў Індыі, асабліва ісламскага і індуіскага. Іерарх расказаў,
што каля 20 вандалаў у масках, зламаўшы дзверы і вокны, уварваліся ў будынак касцёла,
калі там нікога не было. Яны пашкодзілі алтар, абразы, канфесіяналы. На шум прыбеглі
мясцовыя жыхары, але экстрэмісты іх збілі, а затым збеглі. Святар адзначыў, што ў
яго дыяцэзіі каталіцкая супольнасць з’яўляецца вельмі актыўнай і шматлікай. “З гэтай
прычыны мы планавалі пабудаваць новы касцёл большых памераў. Магчыма гэты праект выклікаў
незадавальнене ў індуісцкіх экстрэмістаў, якія ўжо не раз спрабавалі нас запалохаць”,
- адзначыў біскуп.
На працягу апошніх гадоў у штаце Керала вельмі павялічылася
колькасць экстрэміскіх індуіскіх груповак, якія часта пагражаюць каталіцкай супольнасці,
асабліва ў дыяцэзіі Куілон. “Але таксама павялічваецца колькасць груповак ісламскіх
фундаменталістаў. Яны могуць паставіць пад пагрозу грамадскі і рэлігійны мір, які
заўсёды характарызаваў штат Керала”,- сказаў біскуп Рамон.
У Керала хрысціяне
складаюць каля 20% насельніцтва штата. Яны вельмі актыўныя ў жыцці мясцовага грамадства.
Мусульман каля 25%, астатняя частка насельніцтва, каля 55% індуісцкага веравызнання.