Біскупы Шры-Ланкі: будуючы мір, трэба вучыцца на памылках мінулага
Канферэнцыя Біскупаў
Шры-Ланкі выказала заклапочанасць у сувязі з сацыяльна-палітычнай сітуацыяй ў краіне.
Ужо 2 гады у Шры-Ланцы пануе мір пасля 30-гадовай грамадзянскай вайны, якая ўнесла
жыцці амаль 700 тыс. чалавек. Генеральны сакратар епіскапата, біскуп Норберт Андрадзі
сказаў, што да сённяшняга дня застаюцца не вырашанымі шматлікія грунтоўныя сацыяльныя
праблемы: “Правы нацыянальных меншасцяў не паважаюцца большасцю. У краіне не вітаецца
прысутнасць шматлікіх моваў, рэлігій і культур”, а таксама “няма адкрытасці ў адносінах
да існавання розных поглядаў гледжання”.
Іерарх заклікаў “не забываць пра
мінулае, у чаканні, што мір прыйдзе сам па сабе, але трэба змагацца са злом і вучыцца
са здзейсненых раней памылак”. “Толькі тады магчыма будзе адказаць на выклік працаваць
разам на карысць трывалага міра ў Шры-Ланцы”, - сказаў іерарх. Акрамя таго, біскуп
Андрадзі звярнуўся да палітыкаў краіны, з заклікам ставіць інтэрэсы народа вышэй інтэрэсаў
палітычных партый.