Kardinali Bertone: Kisha është përherë në ndihmë të njerëzve të mënjanuar e të varfër.
“Kisha është përherë e angazhuar në linjë të parë e në mënyrë të heshtur, por efikase
në ndihmë të atyre njerëzve të varfër që janë të mënjanuar nga shoqëria e të lënë
në mëshirën e fatit”. Kështu pohon mes tjerash Sekretari i Shtetit të Vatikanit, kardinali
Tarçizio Bertone, në hyrjen e vëllimit kushtuar don Luigji Guanella me titullin ‘Pajtoi
tokën me Qiellin. Luigi Guanella shenjt’ shkruar nga motër Michela Carrozzino e Cristina
Siccardi (botuar nga San Paolo,2011), e që posa ka dal në librari në kuadrin e kanonizimit
të ardhshëm të priftit italian nga Lombardia që do të mbahet më 23 tetorin e ardhshëm.
Teksti i kardinalit Bertone është botuar nga gazeta L’Osservatore Romano. “Synimi
i kësaj biografie mbi shën Luigjin Guanella – shkruan Bertone – nuk është vetëm për
të nxjerr në dritë disa tematika shpirtërore e shoqërore që kanë karakterizuar jetën
dhe kohën e don Guallenës në respektim me kontekstit historik, por sidomos për të
bërë në mënyrë të dalë në pah shpirti i tij, frymëzimi i tij dhe karizma e tij e dashurisë
ungjillore, që do të thotë shpirti i bamirësisë, i një dashurie bamirëse, të fortë
dhe rrënjësore”. Në këtë libër lexuesi njihet nga afër me figurën e ndritur të një
meshtari që, siç pohon titulli, “pajtoi takon me Qiellin”. “Duhet nënvizuar – lexohen
në Osservatore romano – se në shekullin e kaluar Zoti na ka dhuruar shumë burra e
gra që janë bërë pionierë të dashurisë bamirëse edhe duke u ballafaquar me beteja
e kundërshti të çdo natyre”. “Falë atyre – pohon Sekretar i Shtetit të Vatikanit
– ndër të cilët spikat figura madhore e don Guanellës, Kisha është impenjuar përherë
e në heshtje në frontin e shoqërisë së mënjanuar e të braktisur duke ndihmuar çdo
të varfër e të përbuzur në mënyrë efikase. Don Guanella, përherë ka qenë i vëmendshëm
ndaj dinamikave shoqërore dhe gjithmonë është vendosur në anën e atij që dëshironte
e synonte afrimin ndërmjet shoqërisë fetare e asaj laike. Në shkrimet e tij gjendet
qartë ky orientim e sjellje: ‘Politika i ka kërkesat e veta, por ndjenja njerëzore,
që është më e lartë dhe mbi dallimet e opinioneve dhe mbi individët, në çastin e nevojës
e të fatkeqësisë, nuk mund të mos e vëllazërojë klerin me kombin”’. “Don Guanella
– lexohet gjithnjë në artikullin e Osservatore Romano – lartonte kisha për nder të
Zotit e për të mirën e shpirtrave, ndërsa në të njëjtën kohë përkujdesej e mendonte
për nevojat materiale të njerëzve. Me veprat e tij, realiteti guanellian ka depërtuar
në indin shoqëror kombëtar e edhe nga pikëpamja civile, ka kontribuar në formimin
e Italisë moderne”.