Jezuiti Atë Spadaro emërohet drejtor i ri i revistës ‘Civiltà Cattolica'
Jezuiti Atë Spadaro emërohet drejtor i ri i revistës ‘Civiltà Cattolica’ Atë Antonio
Spadaro është drejtor i ri i revistës së njohur të Jezuitëve “Civiltà Cattolica”.
Nga data 8 shtator, kur emërimi do të shpallet zyrtarisht nga Ati i Përgjithshëm i
Shoqërisë së Jezusit (Jezuitëve), atë Spadaro do të marrë vendin e atë GianPaolo Salvinit,
drejtorit të deritanishëm, i cili do të vazhdojë të shkruajë për revistën. Lindur
në Messina të Sicilisë më 6 korrik 1966, shuguruar meshtar më 21 dhjetor 1996, atë
Spadaro ka kompletuar formimin e tij si rregulltar jezuit në Ohio, në SHBA-së. Pas
diplomimit në Filozofi pranë Universitetit të Messina, është specializuar në Komunikimet
Shoqërore e ka doktoruar në Teologji pranë Universitetit Papnor Gregoriana në Romë,
ku aktualisht vepron si profesor. Ka filluar të shkruan në revistën “Civiltà Cattolica”
më 1994. Ka botuar 15 libra e ka përgatitur për botim tetë libra tjerë. Për pesë vjet
ka qenë përgjegjës për aktivitetin kulturor të Jezuitëve në Itali. Kujtojmë se
revista e njohur e Jezuitëve “Civiltà Cattolica” është themeluar më 1850, dhe është
më e lashta ndër të gjitha revistat italiane që ende janë aktive. Drejtori i parë
i revistës dhe frymëzuesi, ka qenë atë Carlo Maria Curci, por mbi të gjithë ai që
e deshi është Papa Piu IX ( asokohe i mërguar në Gaeta). Ideja e themelimit të revistës
ishte ajo e mbrojtjes së “qytetërimit katolik”, siç kuptohej asokohe, kur kërcënohej
nga armiqtë e Kishës, në veçanti nga liberalët e masonët, që përhapni shumë ide e
diktimon linja në Italinë e Risorxhimentos. Revista gjithmonë ka pasur edhe një
marrëdhënie të veçantë me Selinë e Shenjtë: nuk është organ zyrtar i saj, po përherë
ka punuar në sintoni me të.