Кардынал Станіслаў
Рылка, старшыня Папскай рады па справах свецкіх, у сваім артыкуле аб новай евангелізацыі
падрыхтаваным для нашага радыё, адзначае, што сёння заклік Хрыста “Ідзіце па ўсім
свеце і абвяшчайце Евангелле ўсякаму стварэнню”, застаецца вельмі актуальным. “Свецкія
шмат зрабілі для евангелізацыі і гэта паўплывала на вялікія перамены ў жыцці Касцёла”,
- адзначыў іерарх.
“На жаль сёння, нават сярод хрысціян распаўсюджваецца рэлятывіская
ментальнасць адносна місійнай дзейнасці: пануе разуменне місіі, як дыялога ў якім
усе бакі з’яўляюцца раўнымі, або ажыцяўленне місіі выключна ў сферы паляпшэння жыцця
людзей, ці з перакананнем у тым, што людзям дастаткова дапамагчы, каб яны заставаліся
вернымі сваёй рэлігіі”, - кажа кардынал Рылка. Іерарх адзначые, што гэта памылковае
разуменне евангелізацыі, таму што яно не ўключае ў сябе навяртанне чалавека. “Той,
хто сустрэў Езуса, мае абавязак аб Ім казаць, а хто не сустрэў мае права аб Ім пачуць”,
- сказаў кардынал.
Старшыня Папскай дэкастэрыі звяртае ўвагу, што Бэнэдыкт
XVI, яшчэ да абрання на пасад св. Пятра, казаў: “Цяжкасць евангелізацыі палягае ў
тым, што свет спрабуе нас пераканаць ў неіснаванні Бога”. Таму будучы Папа акрэсліў
некаторыя законы якія павінны кіраваць евангелізацыяй ў Касцёле: першы закон тычыцца
стылю нашага жыцця згодна з Евангеллем; другі – быць маленькім носьбам Божага слова;
і трэцці – заўсёды памятаць аб логіке крыжа. “Езус не збавіў свет прыгожымі словамі,
але пакутамі і смерцю. Яго пакуты сталі бясконцай крыніцай жыцця для свету: цярпенне
дало сілу яго словам”, - нагадаў словы Папы кардынал Рылка.