Малайзія: хрысціяне патрабуюць рэформаў выбарчай сістэмы
З нагоды Дня незалежнасці
Малайзіі, Хрысціянская федэрацыя гэтай краіны, падрыхтавала спецыяльнае пасланне ў
якім змяшчае патрабаванні аб больш дэмакратычнай і празрыстай выбарчай сістэме, а
таксама свабодзе для хрысціян ў сферы дабрачыннай дзейнасці.
Хрысціянская федэрацыя
Малайзіі аб’ядноўвае ўсе асноўныя Цэрквы, якія дзейнічаюць у гэтай краіне. Іх пасланне
з нагоды Дня незалежнасці прымеркавана таксама да маючых адбыцца палітычных выбараў.
У краіне з 1957 г. ва ўладзе знаходзіцца палітычная партыя Малайзіская Нацыянальная
Арганізацыя і сярод насельніцтва ўзрастае незадаволеннасць з прычыны непразрыстасці
і недэмакратычнасці выбарчых працедур.
“Сёння, малайзійцы, як грамадзяне зацікаўленыя
ў развіцці сваёй краіны, жадаюць, каб іх голас быў пачуты. Яны хочуць гаварыць а сваіх
праблемах і спосабах іх вырашэння. Многія малайзійцы жадаюць правядзення выбарчай
рэформы, каб мець гарантыі большай справядлівасці”, - напісана ў пасланні. Прадстаўнікі
хрысціянскіх канфесій адзначаюць, што “не з’яўляюцца членамі нейкай палітычнай партыі,
але людзьмі якія жадаюць бачыць выбарчую сістэму празрыстай і справядлівай, што зможа
гарантаваць народу праўду і гармонію”.
Акрамя таго, увага звяртаецца на тое,
што ў краіне неабходна зняць абмежаванні на дабрачынную дзейнасць для хрысціян. Такая
забарона існуе з прычыны страху перад празелітызмам. “Чыніць добрыя учынкі, гэта не
празелітызм: дзверы Касцёла павінны быць заўсёды адчыненымі і мы не павінны баяцца
рабіць дабро”, - кажа віцэ-старшыня Хрысціянскаі федэрацыі Малайзіі Еў Хонг Сэн.
Хрысціяне
ў гэтай краіне складаюць каля 9% насельніцтва. Афіцыйнай рэлігіяй з’яўляецца іслам,
які вызнаюць каля 60% жыхароў Малайзіі. Акрамя таго, у краіне пражывае 19% будыстаў
і 6% індуістаў.