Եւրոխորհրդարանը Թուրքիայէն Կը Պահանջէ Վերադարձնել Փոքրամասնութիւններուն Ամբողջ Գոյքերը։

Եւրոմիութիւնը ողջունած է Թուրքիոյ ոչ իսլամ փոքրամասնութիւններուն պատկանող եւ 1936-էն ասդին երկրի պետութեան կողմէ գրաւուած գոյքերը վերադարձնելու մասին Թուրքիոյ առած դրական որոշումը: Ըստ թրքական «Անքա» լրատուական գործակալութեան, Եւրոմիութեան գործադիր թեւը հանդիսացող Եւրոյանձնաժողովի անդամներ Օլի Ռենի եւ Սթեֆան Ֆիւլէի արտասանած ողջոյնին կողքին, Եւրոխորհրդարանին մօտ Թուրքիոյ գծով զեկուցող Ռիա Օմեն Ռույթեն յայտարարած է թէ ՝՝ Թուրքիոյ կառավարութիւնը պէտք է փոքրամասնութիւններէն խլուած գոյքերը վերադարձնէ ամբողջութեամբ:
«Եւրոմիութիւնը Թուրքիոյ կառավարութեան միշտ կոչ ըրած է ճանչնալու կրօնական փոքրամասնութիւններու իրաւունքները եւ վերադարձնել պետութեան կողմէ անոնցմէ խլուած գոյքերը: Սակայն, կառավարութիւնը պէտք է աւելին ընէ. օրինակ՝ իսկական տէրերուն պէտք է վերադարձնէ նաեւ Յոյներու Ս. Գաբրիէլի Վանքը եւ Հալքիի Յունական վանական համալիրը», ըսած է ան:
Արդարեւ որոշումը չի խօսիր Համաշխարհային Ա. պատերազմի ընթացքին Թուրքիոյ իշխանութիւններուն կողմէ Հայերէն եւ այլ փոքրամասնութիւններէն գրաւուած կալուածներու մասին ,այլ՝1936ի պէյաննամէներու լոյսին տակ բռնագրաւուած կալուածներու մասին։