“Парламент Косава
прыняў закон, які забараняе выкладанне рэлігіі ў дзяржаўных школах краіны і не дазваляе
вучням насіць рэлігійныя сімвалы”, - паведамляе італьянскае інфармацыйнае агенцтва
“Ansa”. Акрамя таго, дэпутатамі была адхілена прапанова ўвядзення дазволу на нашэнне
вучаніцамі ў школах хіджаба.
Большасць насельніцтва Косава, складаюць мусульмане.
Хрысціянская меншасць, пераважна праваслаўныя, складае каля 8,5% ўсіх жыхароў краіны.
Паводле Канстытуцыі Косава, краіна мае свецкі характар і гэтым дэпутаты тлумачаць
забарону на вывучэнне рэлігіі ў дзяржаўных школах. Аднак найбольш артадаксальная група
мусульман краіны выступае з патрабаваннямі уключэння ў навучальныя праграмы курса
знаёмства з ісламам. Такія прапановы былі зроблены двума маленькімі палітычнымі партыямі.
У Косава ў гэтым годзе адбыліся дэманстрацыі, падчас якіх грамадзяне патрабавалі
адмены забароны на нашэнне хіджаба ў школах. “За не выкананне гэтага патрабавання
некаторыя дзяўчыны былі выключаны са школ”,- паведамляе французскае інфармацыйнае
агенцтва “France Presse”.