Libia, sot është në qendër të konferencës ndërkombëtare në Paris, pikërisht kur Rusia
posa ka njohur Këshillit Kombëtar të Tranzicionit . Kjo konferencë mbi Libinë nuk
mbahet për të arritur ndonjë marrëveshje tregtare: kështu tha ministri jashtëm britanik
William Hague. “Nëse një vend paraqitet duke shpresuar të arrijë marrëveshje tregtare
do të zhgënjehet, tha Hague sipas të cilit Britania e Madhe dhe Franca e kanë ndërmarrë
nismën për të ndërhyrë në revoltën libiane me “ndihmën e domosdoshme të SHBA-së”. Në
terren, gjithnjë më tepër po ngushtohet rrethimi i Gedafit. Kryengritësit kanë njoftuar
për arrestimin e ministrit të Jashtëm, Obeidi, në periferi të Tripolit, ndërsa nga
familja e kolonelit arrijnë mesazhe kontradiktore.