Në Libi së paku 50 mijë njerëz janë vrarë që nga fillimi, para gjashtë muajsh, i revoltës
në vend. Kështu tha një komandat i trupave rebele që janë të mendimit se beteja finale
është “e afërt” dhe e pashmangshme pas ultimatumit që bënë trupat besnike të Gedafit
të Sirtes. Kryengritësit ka frikë për atentate që mund të organizohet nga trupat besnike
të Gedafit – për të cilin nuk informata të sigurta se ku është fshehur – me rastin
e festës për përfundimin Ramazanit. Tripoli është nën rrethim dhe kontroll të njerëzve
të armatosur. E Natoja - që vazhdon me bombardime të vendit – ka pohuar se “misioni
ynë është i rëndësishëm, efikas dhe akoma i domosdoshëm. Pëderisa vazhdon të ekzistojë
rreziku për popullsinë civile, puna jonë nuk do të përfundojë”. Rebelët janë në
kërkim të Gedafit. Gjallë apo të vdekur, ai duhet kapur. Synimi kryesor i rebelëve
është kapja e kolonelit. Madje Këshilli kombëtar i tranzicionit pohon “është e drejta
jonë për ta vrarë” kolonelin. Për komandantin e kryengritësve, Gedafi duhet të vihet
në kushte që të mos jetë më i rrezikshëm dhe i dëmshëm e për ta bërë duhet të vritet,
sepse “ ai na vrarë, është një kriminel. Kudo në botë nëse një kriminel nuk dorëzohet,
është e drejta e atyre që zbatojnë ligjin për ta vrarë'', tha një përgjegjës i lartë
i Këshillit Kombëtar të Tranzicionit, Omar Hariri. Sipas burimeve të Këshillit
Kombëtar të Tranzicionit (KSHT -CNT), Gedafi fshihet në Bani Walid, në periferi të
kryeqytetit Tripoli; zëra tjerë thonë se gjendet në Sirte, vendlindje. Të dy lokalitetet
janë bombarduar rëndë nga aviacioni i Natos. Ndërkaq, lidershipi i ri libian, ka refuzuar
kategorikisht hipotezën e dërgimit të një force ushtarake ndërkombëtare të OKB-së
në Libi.