Бэнэдыкт XVI прыме ўдзел у італьянскім Эўхарыстычным кангрэсе
Кіраўнік Залі Друку
Апостальскай Сталіцы і дырэктар Ватыканскага радыё кс. Фэдэрыка Ламбардзі расказаў,
што 11 верасня 2011 г. Святы Айцец Бэнэдыкт XVI прыме ўдзел у заканчэнні працы італьянскага
нацыянальнага Эўхарыстычнага кангрэса, які будзе праходзіць 3-11 верасня ў Анконе.
Кс. Ламбардзі адзначыў, што супадзенне даты заканчэння Эўхарыстычнага Кангрэса і 10-й
гадавіны тэрарыстычных актаў ў Нью Ёрку з’яўляецца выклікам, каб перадаць свету пасланне
любові.
Дырэктар Ватыканскага радыё звярнуў увагу на тое, што апошні дзень
кангрэса будзе тычыцца трох апектаў: чалавечай працы, сям’і і падрыхтоўкі да шлюбу.
У праграму візіта Бэнэдыкта ХVI у Анкону уваходзіць таксама св. Імша, сустрэча з сем’ямі
і парамі, якія рыхтуюцца да прыняцця сакрамэнту сужэнства. “Гэта сустрэча мае на мэце
заахвоціць да адказнасці за стварэнне сям’і таксама маладое пакаленне”,- адзначыў
кс. Фэдэрыка Ламбардзі.
На думку Кіраўніка Залі Друку Апостальскай Сталіцы
“у гісторыі чалавецтва бываюць такія трагедыі, якія вызваляюць любоў і міласэрнасць”.
“11 верасня можа набыць супрацьлеглае значэнне, адносна таго, якое мае зараз – гэты
дзень можа стаць днём паслання любові і будавання міру, днём вялікага выкліку”,- сказаў
кс. Ламбардзі.