У нядзелю 25 верасня
ва ўсіх парафіях у Канадзе будуць збірацца ахвяраванні на дапамогу Каталіцкаму Касцёлу
ў краіне. З гэтай нагоды Канферэнцыя Каталіцкіх Біскупаў Канады апублікавала адмысловы
ліст, у якім звяртаецца да вернікаў, каб са шчодрасцю падтрымалі гэту ініцыятыву.
У лісце біскупы сцвярджаюць, што ахвяраванні будуць прызначаны на “паслугі, якія Касцёл
выконвае сёння ва ўсім свеце” і на “павялічэнне яго прысутнасці і дзейнасці на нацыянальным
і міжнародным узроўнях”. Біскупы далучылі да свайго ліста “спісак усіх праектаў, якія
Каталіцкі Касцёл цяпер рэалізуе”, каб вернікі маглі лепш зразумець прызначэнне сваіх
ахвяраванняў. Іерархі падкрэсліваюць дзейнасць Касцёла ў галіне сацыяльнай справядлівасці,
у якой “спецыяльная ўвага надаецца шматлікім сітуацыям несправядлівасці ў свеце, асабліва
якая існуе ў Дэмакратычнай Рэспубліцы Конга, і беднасці ад якой церпіць многа жыхароў
гэтай краіны”.
У іншай галіне, у якой канадскія біскупы асабліва актыўныя гэта
ахова жыцця і сям’і. У звароце адзначаецца, што біскупы пашыраюць навучанне Каталіцкага
Касцёла аб годнасці чалавечай асобы і аб павазе да чалавечага жыцця ва ўсіх яго абставінах
і этапах, ад зачацця да натуральнай смерці”. Яны таксама прымаюць актыўны удзел у
экуменічнай і міжрэлігійнай дзейнасці.