வைட்டமின் A சத்துணவு ஆயிரக்கணக்கானக் குழந்தைகளைக் காப்பாற்றும் - WHO

ஆக.27,2011. வளரும் நாடுகளில் ஐந்து வயதுக்குட்பட்ட குழந்தைகளுக்கு வைட்டமின் A சத்துணவுப் பொருட்கள் கொடுக்கப்பட்டிருந்தால் அந்நாடுகள் ஆண்டுக்கு ஆறு இலட்சம் குழந்தைகளைக் காப்பாற்றியிருக்க முடியும் என்று WHO உலக நலவாழ்வு நிறுவனம் அறிவித்தது.
பிரிட்டன் மற்றும் பாகிஸ்தான் வல்லுனர்கள், ஒரு பிரிட்டன் மருத்துவ இதழில் இதனைத் தெரிவித்துள்ளனர்.
சுமார் 19 கோடிச் சிறாருக்கு வைட்டமின் A சத்துணவுப் பற்றாக்குறை ஏற்பட்டுள்ளது என்றும் இச்சத்துணவுப் பொருட்களைக் கொடுப்பதன் மூலம் இதனால் ஏற்படும் இறப்புக்களை 24 விழுக்காடு குறைக்கலாம் என்றும் அவ்வல்லுனர்கள் கருத்துத் தெரிவித்துள்ளனர்