Të rinjtë shqiptarë e thesari i Ditës Botërore të Rinisë në Madrid
Ka kaluar vetëm një javë nga përfundimi i Ditës Botërore të Rinisë në Madrid të Spanjës,
por jehona e saj ndihet akoma. Të rinjtë nga e gjithë bota u mblodhën në kryeqytetin
spanjoll nga 16 deri më 21 gusht. Nga data 18, me ta u bashkua edhe Papa Benedikti
XVI, i cili gjatë audiencës së përgjithshme të së mërkurës së kaluar, e kujtoi festën
rinore me këto fjalë: “Takimi i Madridit ishte një manifestim mahnitës feje,
për Spanjën e për mbarë botën. Për shumicën e të rinjve, ardhur nga të katër anët
e tokës, ishte rast i posaçëm reflektimi, dialogimi, shkëmbimi të përvojës pozitive
e, sidomos, lutjeje të përbashkët, për të përsëritur zotimin se do ta rrënjosin gjithë
jetën në Krishtin, që është Miku më besnik i të rinjve”. Po Ati i Shenjtë
njoftoi edhe se ku do të bëhet Dita e ardhshme Botërore e Rinisë dhe cila do të jetë
tema e saj. Vitin që vjen, sqaroi Benedikti XVI, kjo Ditë do të kremtohet në nivel
dioqezan dhe do të ketë moton “Gëzohuni përherë në Zotin”, marrë nga Letra e Shën
Palit Apostull drejtuar Filipianëve. Ndërsa, Dita Botërore e Rinisë e vitit 2013,
ku do të marrë pjesë edhe Papa, do të kremtohet në Rio-de-Zhanejro të Brazilit, me
temë: “Shkoni e bëjini dishepuj mbarë popujt!”, marrë nga Ungjilli i shën Mateut. Në
Madrid, në mesin e të rinjve, që sollën harenë e fenë në takimin e tyre ndërkombëtar,
ishin edhe 400 të rinj nga Shqipëria, së bashku me tre ipeshkvij. Një përmbledhje
të përvojës së tyre, na e përshkruan bashkëpunëtorja jonë, Violeta Marashi, në
informacionin e saj për Radio Vatikanin.............