Պենետիկտոս ԺԶ Սրբազան Քահանայապետին Սեպտեմբեր Ամսուայ Մէջ Կատարելիք Առաքելական Այցելութիւնները։
Յառաջիկայ 11 սեպտեմբերին Պենետիկտոս ԺԶ Իտալիոյ Մարքէ մարզի Անգոնա քաղաքը պիտի այցելէ,
եզրափակելու համար Իտալիոյ Ազգային Ս. Հաղորդութեան նուիրուած 25-րդ Գիտաժողովը, որ տեղի
պիտի ունենայ 3-11 սեպտեմբեր։ Ապա 22-25 Սեպետմբեր, Սրբազան Քահանայապետը պիտի այցելէ
Գերմանիան ուր նախ Պերլին պիտի երթայ ու ապա պիտի այցելէ երբեմնի Արեւելեան Գերմանիոյ
Էրֆուրդը, ուր նախատեսուած են Համամիութեան ու Միջ-կրօնական Երկխօսութեան ձեռնարկներ։
Երրորդ օրը Սրբազան Քահանայապետը պիտի փոխադրուի Freiburg-im-Breisgau թեմը, աթոռը՝
Գերմանիոյ եպիսկոպոսաց համահաւաք դասի նախագահի, ուր պիտի գլխաւորէ աղօթքի հսկում աթոռանիստ
եկեղեցւոյ մէջ, ու յաջորդ օրը կիրակի` 25 սեպտեմբերին պիտի գլխաւորէ բացօթեայ սուրբ պատարագը։