Бэнэдыкт XVI: Сусветныя дні моладзі – незабыўная падзея
“Незабыўная падзея”:
так падчас сённяшняй агульнай аўдыенцыі Бэнэдыкт XVI акрэсліў Сусветныя дні моладзі,
якія прайшлі 16-21 жніўня ў Мадрыдзе. Пантыфік падзякаваў Богу за каштоўны дар
маладых людзей з моцным жаданнем укараніць сваё жыццё ў Хрысце, заставацца моцнымі
ў веры і ісці разам з Касцёлам. Папа падзякаваў таксама тым, хто займаўся арганізацыяй
гэтага форума: кардыналу арцыбіскупу Мадрыда, яго дапаможнікам, іншым іспанскім біскупам,
а таксама іерархам з іншых краін свету, Папскай радзе па справах свецкіх, святарам,
законнікам і законніцам, свецкім вернікам. Асаблівую падзяку Святы Айцец выказаў іспанскім
уладам, інстытутам і асацыяцыям, валанцёрам і усім тым, хто падтрымліваў мерапрыемства
малітвай. “Я не магу забыць аб той адкрытасці з якой мяне прынялі прадстаўнікі каралеўскай
сям’і, а таксама ўся краіна”, сказаў Папа.
“У некалькіх словах канешне, я не
магу апісаць усе цудоўныя і напоўненыя падзеямі моманты, якія мы перажылі. Я да гэтага
часу знаходжуся пад уражаннем ад таго, як мяне прыняла моладзь, у першы дзень на плошчы
Сібэлес, ад іх слоў, моцнага жадання імкнуцца да глыбокай праўды і ўкараніцца ў ёй.
Такой праўдзе з якой Бог нас пазнаёміў праз Хрыста. У велічным манастыры Эскарыяль,
багатым гісторыяй, духоўнасцю і культурай, я сустрэў маладых законнікаў і універсітэтскіх
выкладчыкаў. Перш за ўсё я нагадаў ім аб прыгажосці іх паклікання, якое варта пражыць
з вернасцю, аб важнасці іх апостальскага служэння і іх прароцкага сведчання”, - сказаў
Папа.
Бэнэдыкт XVI адзначыў, што падчас сустрэчы з маладымі універсітэтскімі
выкладчыкамі ён заклікаў іх быць сапраўднымі выхавацелямі новых пакаленняў, весці
моладзь да пошуку праўды праз словы, жыццё, сведчанне таго, што праўда і Хрыстус гэта
тое самае.
“Вечарам, падчас набажэнства Крыжовага шляху, вялікая колькасць
моладзі з увагай разважала над сцэнамі пакутаў і смерці Хрыста: крыж Хрыста дае нашмат
больш за тое чаго патрабуе, ён дае ўсё, бо вядзе да Бога”, - сказаў Бэнэдыкт XVI.
Папа ўзгадаў аб сустрэчы з семінарыстамі, маладымі людзьмі з абмежаванымі
магчымасцямі, аб малітоўнай вігіліі на тэрыторыі аэрапорта “Cuatro ventos”, аб сустрэчы
з валанцёрамі, а таксама аб развітальнай цэрымоніі.
“Дарагія сябры, сустрэча
ў Мадрыдзе была цудоўным сведчаннем веры для Іспаніі і ўсяго свету. Для шматлікіх
маладых людзей, з розных куткоў зямлі, форум стал асаблівай магчымасцю, каб разам
паразважаць, паразмаўляць, абмяняцца пазітыўным вопытам, і перш за ўсё, маліцца разам
і абнавіць свае сілы, каб укараніць сваё жыццё ў Хрысце, верным сярбу. Я упэўнены
што вы вярнуліся ў свае дамы з моцнай упэўненасцю быць зачынам для вашых асяродкаў,
з жаданнем быць носьбітамі надзеі, якая нараджаецца з веры. З майго боку я буду працягваць
падтрымліваць вас малітвай, каб вы заставаліся заўсёды вернымі узятым на сябе абавязкам”,
- сказаў Святы Айцец.
Папа абвясціў таксама тэму наступных Сусветных дзён моладзі,
якія пройдуць у 2013 г. у бразільскім Рыа-дэ-Жанэйра: “Ідзіце і навучайце ўсе народы!”,
а таксама дэвіз дыяцэзіяльных дзён моладзі, якія пройдуць у наступным годзе: “Заўсёды
радуйцеся ў Пану!”.