Կաթողիկէ Եկեղեցին Եկեղեցւոյ Վարդապետ Պիտի Հռչակէ Սուրբ Յովհաննէս Տ'Ավիլլան

Պենետիկտոս ԺԶ Սրբազան Քահանայապետը Մատրիտի մէջ (Երիտասարդութեան 26 համաշխարհային օրուայ առթիւ) Ժառանգաւորներու առջեւ մատուցած պատարագին աւարտին, յայտնեց իր կամքը Ս. Յովհաննէս Տ'Ավիլլան եկեղեցւոյ վարդապետ հռչակելու ։ Նման հռչակում մը հազուադէպ է եկեղեցւոյ կեանքին մէջ, որ ներկայիս կը հաշուէ միմիայն 33 վարդապետներ։
Սուրբ Յովհաննէս Տ'Ավիլլան ծնած է 1500-ին Թոլետօ (Սպանիա) քաղաքին մօտ։ Եղած է մեծ աստուածաբան ու քարոզիչ, հիմնած է դպրեվանքեր ու համալսարաններ։ 1970-ին երջանկայիշատակ Պօղոս Զ Քահանայապետը զինք խորաններու պատւոյն կը բարձրացնէ։ Սպանացի սուրբին տօնը կը յիշատակուի մայիս 10-ին։
Նշենք թէ Սրբուհի Թերեզա մանուկ Յիսուսին, եղաւ վերջինը որ հռչակուեցաւ եկեղեցւոյ վարդապետ 1997-ին Երանելի քահանայապետ Յովհաննէս Պօղոս Բ-ի կոյմէ։ Կաթողիկէ եկեղեցին Եկեղեցւոյ վարդապետ տիտղոսը կը շնորհէ այն աստուածաբաններուն որոնք յատկանշուեցան իրենց հեղինակութեամբ, կեանքի ապրումի վկայութեամբ, մտածողութեան ստուգութեամբ ու կեանքի սրբութեամբ։ Եկեղեցին ինչպէս ըսինք մինչեւ օրս ունի 33 եկեղեցւոյ վարդապետներ որոնցմէ 3-ը կիներ են։