Мэркель: візіт Папы прынясе арыенціры у кантэксце крызіса
Перад запланаваным
візітам Бэнэдыкта XVI у Германію, які пройдзе 22-25 верасня, у Берліне адбылася прэзентацыя
кнігі “Палітыка і рэлігія – Папа ў Германіі”. Кніга выдадзеная фондам “Конрада Адэнаўэра”,
змяшчае 20 артыкулаў прадстаўнікоў палітычнага, грамадскага і навуковага жыцця краіны.
Сярод яе аўтараў прадстаўнікі розных веравызнанняў: католікі, пратэстанты, мусульмане
і яўрэі.
Канцлер Германіі Ангела Мэркель, таксама адзін з яе аўтараў, чакае,
што візіт Бэнэдыкта XVI у Германію дасць “моцны і ясны сігнал” для развіцця экуменізма.
“Візіт Святога Айца, можа даць важны арыенцір у кантэксце сучаснага крызіса”, - напісала
кіраўніца нямецкага Хрысціянска-Дэмакратычнага саюза.
“Такі арыенцір патрэбны
ў той час, калі з’яўляюцца пагрозы існаванню нашых культурных традыцый”, - напісала
Мэркель. На яе думку візіт Папы ў Германію стане імпульсам для “далейшага ўмацавання
духа рэлігійнай супольнасці, а таксама палітычнай і грамадскай”.