22-28 жніўня ў сталіцы
Камерына Яундэ, пачаўся ІІ Пан-афрыканскі кангрэс харызматычнага аднаўлення. Дэвіз
форума: “Афрыка паўстань. Будзь святым і сапраўдным апосталам прымірэння і супакою”.
У форуме прымаюць удзел прадстаўнікі шматлікіх афрыканскіх краін, сярод якіх Буркіна-Фасо,
Нігерыя, Уганда і Бенін.
У рамках форума пройдзе шмат дыскусій на розныя тэмы,
сярод якіх, барацьба з беднасцю, евангелізацыя, значэнне Афрыкі у кантэксце крызісу
маральных каштоўнасцяў у свеце. Будуць абмяркоўвацца праблемы моладзі і сексуалізацыя
грамадства. Падчас канферэнцыі, для святароў увага будзе засяроджанна на тэме харызматычнага
аднаўлення ў служэнні Касцёлу.
27 жніўня, у рамках форума пройдзе св. Імша,
якую ўзначаліць кардынал Пэтэр Тарксан, старшыня Папскай рады “Iustitia et pax” (“Справядлівасць
і мір”).
Мэтай каталіцкага харызматычнага аднаўлення з’яўляецца “адраджэнне
ў Касцёле вопыту першых хрысціянскіх супольнасцяў”. На важнасць харызматычнага аднаўлення
звярталі ўвагу многія Рымскія Пантыфікі. Папа Павел VI называў яго “ шанцам для Касцёла
і свету”, Ян Павел ІІ акрэсліў яго “як вясну Касцёла”, а Бэнэдыкт ХVI “дарам Пана
і каштоўным рэсурсам для жыцця Касцёла”.