Libi: rebelët kontrollojnë bunkerin e Gedafit. Tripoli në kaos.
Rebelët libianë, që kanë hyrë në rezidencën e Muamar Gedafit në Baba l-Azizya në Tripoli,
kanë lartuar flamurin e kryengritëse, duke hequr atë të kolonelit. Kështu njofton
tv al-Arabiya, duke cituar burimet e rebelëve. “Forcat tona kanë rrethuar baba l-Azizya.
Është zhvilluar një betejë e ashpër. Tani kontrollojmë ndërtesën”, pohoi koloneli
Ahmed Omar Bani për agjencitë e lajmeve.
***** Orë vendimtare për regjimin
e Gedafit. Beteja për pushtimin e Tripolit vazhdon me shkallëzimin e dhunës e të kaosit.
Bomba mbi bunkerin e Bab al Aziziya, po Muamar Gedafi qëndron, edhe pse është gjithnjë
e më i rrethuar: rebelët janë pranë kangjeleve të bunkerit të tij të bombarduar nga
sulmet ajrore të Natos dhe luftime të ashpra po zhvillohen afër hotelit Rixos, që
është hoteli i gazetarëve të huaj në Tripoli, jo larg bunkerit të liderit libian.
Por ende nuk dihet gjë për fatin e Gedafit: ai është në kryeqytet, njoftoi djali i
tij Saif al Islam, i cili nuk qe arrestuar, siç u njoftua dje. Në Tripoli mungon energjia
elektrike, mungojnë edhe gjërat ushqimore e spitalet janë në gjendje tejet kritike.
“S’ ka dyshim se fundi i regjimit tashmë është afër’, pohojnë kancelaritë perëndimore.
Fundi i regjimit të Gedafit tashmë është i pashmangshëm.