2011-08-22 12:46:45

Ասիզիի Սրբուհի Պայծառի Նուիրումի 800-ամեակը։


Ասիզիի Սրբուհի Պայծառի նուիրումի 800-ամեակին առթիւ (1211 - 1212) անոր միաբանակից Սրբուհի Գամիլլա Վարանօ Տա Գամերինոյի մարմինը 20 - 26 օգոստոս Ասիզիի զանազան Գլարիսեան սրբավայրերը պիտի տեղափոխուի հաւատացեալներու կողմէ պաշտամունքի արժանանալու համար։
Նշենք որ Սրբուհի Գամիլլա Վարանօ Տա Գամերինոն Գլարիս Միաբանութեան վերջին սրբուհիներէն մին է, որ Պենետիկտոս ԺԶ. անցեալ 2010-ի՝ 17 հոկտեմբերին բարձրացուցած էր խորաններու պատւոյն։ Կիրակի 20 օգոստոսի յետ միջօրէին Սրբուհիին մասունքները կը հասնին Ասիզիի Բորցիունգոլա անուան հրապարակը ուրկէ թափօրով մուտք կը գործեն եկեղեցի եւ ուր տեղի կ՛ունենայ սուրբ պատարագի եւ ժամասացութեան արարողութիւնները ու ապա Սուրբ վարդարանի աղօթքը։
24 օգոստոսին մասունքերը կը տեղափոխուին Սրբուհի Պայծառի անուան Պազիլիքան, ուր կը մնան մինչեւ ուրբաթ 26 օգոստոս, որմէ ետք կը վերադառնան Մարքէ նահանգի Գամերինօ գիւղաքաղաքի Վանքը, ուր կը զետեղուին եկեղեցւոյ գետնադամբան։









All the contents on this site are copyrighted ©.