՜՜Սիվիլթաս Հիմնադրամը Հանդէս Պիտի Գայ Երեք Նոր Նախաձեռնութիւններով՝՝։
Սեպտեմբեր ամիսէն սկսեալ «Սիվիլիթաս» հիմնադրամը հանդէս պիտի գայ երեք նոր նախաձեռնութիւններով:
Հիմնադրամը համացանցով լուրեր պիտի սփռէ, օրաթերթ պիտի հրատարակէ, ինչպէս նաեւ հարցախոյզներ
պիտի կատարէ: Ըստ «Սիվիլիթաս»ին, հայերէնով եւ անգլերէնով սփռուող «ՍիվիլՆեթ»ը պիտի
լուսաբանէ Հայաստանի ներքին կեանքը, շրջանային զարգացումները, ինչպէս նաեւ միջազգային
իրադարձութիւնները: Օտարերկրեայ եւ տեղական փորձագէտներու մասնակցութեամբ լուրերու թողարկումները
կարելի է դիտել համացանցով` ուղիղ սփռումով: Օրաթերթը պիտի անդրադառնայ Հայաստանի
տնտեսական եւ քաղաքական խնդիրներուն, օրուան լուրերուն, ինչպէս նաեւ կարեւոր տեղ պիտի
յատկացնէ հանրային կարծիքին եւ վերլուծութեան: Աւելի շատ անդրադարձ պիտի ըլլայ տնտեսութեան
եւ գործարարութեան, ինչպէս նաեւ քաղաքականութեան, պիտի չանտեսուին ընկերային հարցերը,
մշակոյթը եւ մարմնակրթութիւնը: Այս ամէնուն հետ մէկտեղ հիմնադրամը սկսած է հանրային
հարցախոյզներ կատարել` նպատակ հետապնդելով մանրամասն նախագծուած հարցադրումներու միջոցով
վեր հանել Հայաստանի քաղաքացիներուն իրական կարծիքները եւ դիրքորոշումները: