Benedikti XVI me organizatore të DBR-së: bashkëpunimi me institucionet është i mundshëm
dhe i mirë.
Pas drekës, Benedikti XVI u rikthye në Nunciaturën Apostolike të Madridit ku, sipas
traditës së shtegtimeve papnore ndërkombëtare, u takua me Organizatorët të DBR-s,
për t’i falënderuar. Vetëm dashuria për Kishën e dëshira e zjarrtë për t’i ungjillëzuar
të rinjtë – theksoi gjatë fjalimit të shkurtër, drejtuar organizatorëve të zgjedhur
nga ana e qeverisë dhe e Kishës - mund ta shpjegojnë këtë impenjim kaq bujar të
kohës e të energjive, që pa asnjë dyshim, do të japë fryte të begata apostolike. Papa
falënderoi në mënyrë të posaçme anëtarët e Komisionit të përbërë, të organizuar nga
kryeipeshkvi i Madridit, në bashkëpunim me Administratën e Shtetit, Bashkësinë e Madridit
dhe Bashkinë e kryeqytetit, që u formua qysh në fillim të përgatitjes për këtë ditë
botërore, në një qytet të bukur e solidar, si Madridi: “Efikasiteti i këtij
komisioni – tha në përfundim Papa – tregon se bashkëpunimi ndërmjet Kishës dhe institucioneve
civile është jo vetëm i mundshëm, por edhe se, kur vihet në shërbim të një nisme me
frymëmarrje kaq të gjerë, si kjo në të cilën u impenjuat, realizohet parimi, sipas
të cilit e mira krijon unitet”....