Aeroporti “Cuatro Vientos” është një bazë ajrore e ndërtuar në vitin 1911. Që nga
viti 1970 është i hapur edhe për transportin ajror civil, pranon avionë privatë dhe
mund të mburret me shkollën e fluturimit e me muzeun e aeronautikës. Papamobili
përshkon hapësirën e madhe të aeroportit, ku mund të qëndrojnë mëse një milion vetë.
Këtu, i Lumi Gjon Pali II kremtoi meshën me të rinjtë gjatë udhëtimit të tij të pestë
e të fundit në Spanjë (3-4 maj 2003). Të rinjtë vijnë në këtë vend që nga mëngjesi
i së shtunës, 20 gusht. Duke filluar nga ora 16.00 nisin veprimtaritë përgatitore
për Lutjen e Mbrëmjes: dëgjohen dëshmi të të rinjve, ekzekutime muzikore, lutje, etj..
Në krejt perimetrin e bazës janë ngritur 17 kapela për të Shenjtnueshmin Sakrament,
në tenda shumë të mëdha për t’u lutur e për të adhuruar Eukaristinë gjatë gjithë natës.