Арганізатары СДМ 2011: “Мы асуджаем любыя віды насілля”
Арганізатары Сусветных
дзён моладзі выказалі ўдзячнасць і падтрымку іспанскай паліцыі, якая затрымала мексіканскага
студэнта па абвінавачванні ў арганізацыі нападу на пратэстуючых супраць візіту Папы
ў Іспанію. “Мы асуджаем любыя віды насілля. Гэты чалавек быў валанцёрам Сусветных
дзён моладзі, але ўжо ім не з’яўляецца”, - сказаў прэс-сакратар форуму Рафа Рубіё.
“Паліцыя дзейнічала належным чынам і ў адпаведнасці з тым, што яны павінны былі зрабіць.
Гэты чалавек больш не працуе ў рамках Сусветных дзён моладзі”, - дадаў ён.
Прадстаўнік
паліцыі пацвердзіў, што 17 жніўня быў арыштаваны неназваны малады чалавек, і што ён
з'яўляецца студэнтам, які спецыялізуецца ў галіне арганічнай хіміі. Аднак, было падкрэслена,
што ніякіх хімічных рэчываў у затрыманага не было выяўлена.
“El Pais” паведаміла,
што паліцэйскія былі папярэджаны аб радыкальнасці каментароў мексіканскага студэнта
на інтэрнэт-форумах у дачыненні да крытыкаў папы Бэнэдыкта XVI. Навіна аб арышце з'явілася
ўсяго за некалькі гадзін да дэманстрацый супраць візіту Святога Айца ў Мадрыд.
Арганізатары
форуму паведамляюць аб “нулявых коштах візіту для падаткаплацельшчыкаў”, і, наадварот,
аб мільённых уплывах у эканоміку краіны, дзякуючы больш за мільёну ўдзельнікаў мерапрыемства.
Іспанія
ў цяперашні час ахоплена эканамічным крызісам, які прывёў да самага высокага ўзроўню
беспрацоўя сярод прамыслова развітых краін.