Մահափորձ Մը Իրաքի Քիրքուք Քաղաքի Ասորի Օրթոտոքս Եկեղեցւոյ Մը Դէմ։
15 Օգոստոսի գիշերը, ռումբ մը պայթած է Իրաքի Քիրքուք քաղաքի Ս. Եփրեմի նուիրուած ասորի
օրթոտոքս եկեղեցւոյ մը դէմ։ Բարեբախտաբար քրէական այս վատ արարքը ոչ մէկ զոհ պատճառած
է, սակայն եկեղեցին մեծապէս վնասուած է։ Նշենք թէ անցեալ 2 օգոստոսին նոյն քաղաքին մէջ
մահափորձ մը կատարուած էր Ս. Ընտանիքի կաթողիկէ ասորի եկեղեցւոյ դէմ եւ որուն հետեւանքով
20 հոգի վիրաւորուած էին։ Մուսուլի կաթողիկէ եպիսկոպոսը մամուլին հետ ունեցած ելոյթով
յայտարարած է որ այս ոճրագործութիւնները արդիւնքն են ''իշխանութեան տկարութեան'' անկարող՝
երաշխաւորելու անվտանգութիւնը ու կայունութիւնը։ Քիրքուք քաղաքը, որ քիւրտերու տիրապետութեան
տակ կը գտնուի, կը հաշուէ աւելի քան 600.000 բնակիչ եւ քարիւղի հանքեր ունի։