СДМ 2011 у лічбах: 7 тон ружанцаў, 200 канфесіяналаў, 8 млн. порцый ежы
7 тон раздадзеных
ружанцаў, 10 млн. метраў тканіны на літургічную бялізну і вопратку, 200 канфесіяналаў
у “форме ветразя” – гэта частка лічбаў, якія хаваюцца за Сусветнымі днямі моладзі
2011 года ў Мадрыдзе. 7 тон ружанцаў для пілігрымаў былі зроблены на фабрыцы ў Эквадоры,
дзе над гэтым працавалі 150 сем'яў. 200 футурыстычных канфесіяналаў у форме маленькіх
ветразяў, будуць выкарыстаны падчас “Дня адкуплення” у суботу ў “Parque del Retiro”.
Вось яшчэ некаторыя лічбы вялікай падзеі сусветнага Касцёла:
100 млн. еўра,
паводле ацэнак арганізатараў, прынясе моладзевы форум у хворую эканоміку Іспаніі.
Для падаткаплацельшчыкаў сустрэча не будзе каштаваць ні цэнта. 1 млн. чалавек чакаецца
на заключнай св. Імшы з папам Бэнэдыктам XVI на тэрыторыі аэрапорта “Cuatro Vientos”.
Плошча аэрапорта параўнальна з плошчай 48 футбольных стадыёнаў.
30 тыс. маладых
людзей служаць у якасці валанцёраў на Сусветных днях моладзі. 2 тыс. юнакоў з бедных
краін апынуліся на форуме дзякуючы ўкладу Фонда салідарнасці ў Мадрыдзе. 12 маладых
асоб будуць вячэраць з Папам. Іншыя ўдзельнікі атрымаюць на працягу сустрэчы 8 млн.
снеданняў, абедаў і вячэр.
700 тыс. асобнікаў новага моладзевага катэхізіса
“YouCat”, выдадзенага аўстрыйскай біскупскай канферэнцыяй, будуць размеркаваны ў рамках
Сусветных дзён моладзі.
14 тыс. святароў і 800 біскупаў з усяго свету прыехалі
ў Мадрыд. У агульнай складанасці 79 гадзін правядзе Святы Айцец у іспанскай сталіцы.
“Папамабіль” з Пантыфікам праедзе за 4 дні візіту 24 масты.
Ужо ў другі раз
міжнародная каталіцкая моладзевая сустрэча адбываецца ў Іспаніі, у 1989 г. такі форум
праходзіў у Санцьяга дэ Кампастэла.