Бэнэдыкт XVI павіншаваў з 50-й гадавінай святарства партугальскага кардынала
Бэнэдыкт XVI скіраваў
віншавальнае пасланне партугальскаму кардыналу Жозэ Да Круж Палікарпу, Патрыярху Лісабона
і старшыні канферэнцыі біскупаў Партугаліі з нагоды 50-годдзя яго святарства.
Пантыфік
адзначыў, што Лісабон заўсёды славіўся людзьмі, якія давалі глыбокае хрысціянскае
сведчанне. “Ідучы за іх прыкладам, Вы таксама прынялі Сакрамэнт Святарства і дары
нашага Збаўцы, каб дзяліцца імі з іншымі”, - напісаў Папа. Святы Айцец высока адзначыў
адданую працу іерарха, яго глыбокія веды і разуменне касцёльнага навучання. Акрамя
таго, у сваім віншаванні, Папа падкрэсліў павагу, з якой ставяцца да кардынала Палікарпу
ў Партугаліі і ва ўсім свеце.
Партугальскі іерарх з’яўляецца Патрыярхам Лісабона
з 1998 г. У 2001 г. з рук папы Яна Паўла ІІ атрымаў кардыналькі берэт. Ён таксама
з’яўляецца Вялікім Канцлерам Партугальскага каталіцкага ўніверсітэта, членам Кангрэгацыі
Каталіцкай Адукацыі, Папскай рады па справах свецкіх і Папскай рады па культуры.