Tregu botëror pret rezultatet e takimit Merkel-Sarkozi
Takimi i sotëm ndërmjet kancelares gjermane, Angela Merkel dhe presidentit francez,
Nikolas Sarkozì vendos mbi shenjën pozitive ose negative të bursave ndërkombëtare.
Dy vendet “lokomotiva” të Evropës duhet t’i japin kontinentit të vjetër një plan për
të dalë nga kriza ekonomike. Megjithëse takimi është i rëndësishëm e përfundon sot,
ndikimi i tij mbi tregjet botërore nuk është i menjëhershëm, pasi edhe për Gjermaninë
e Francën, zhvillimi ekonomik është ndalur. Në tremujorin e dytë të këtij viti, Prodhimi
i Brendshëm Brut i Gjermanisë është rritur me 0,11%, ndërsa veprimtaria ekonomike
në Francë regjistron amulli. Problemi është: nga kjo mbledhje, Eurozona do të dalë
më e fortë, apo të dyja vendet, sidomos Gjermania, do të përpiqen të varen sa më pak
nga ekonomitë më të dobta të Bashkimit Evropian, duke i lënë ato në fatin e tyre?