Regjimi sirian vazhdon shtypjen e protestave me zjarr e hekur
Ushtria e policia siriane bombarduan sot qytetin bregdetar të Latakias, në Mesdhe,
ku ndodhen kampet e refugjatëve palestinezë, të cilët po ikin nga sytë këmbët drejt
Libanit. Një grua është vrarë. Për herë të parë nga fillimi i revolucionit, regjimi
përdor edhe marinën ushtarake. Arrestimet e dhuna vazhdojnë akoma në qytetet e Homsit
dhe të Hulas, ndërsa të gjitha thirrjet e bashkësisë ndërkombëtare injorohen nga Damasku.