Кардынал Рылка аб СДМ: Мадрыд – гэта мікракосм сучаснага сутыкнення культур
Сусветныя дні моладзі
ў Мадрыдзе дапамогуць многім маладым людзям знайсці “аснову, на якой яны будуць будаваць
сваё жыццё” у перыяд крызісу, сказаў адзін з галоўных арганізатараў мерапрыемствы
з боку Апостальскай Сталіцы, кардынал Станіслаў Рылка, старшыня Папскай рады па справах
свецкіх. “Постмадэрнісцкі свет перажывае складаны і глыбокі крызіс. Рэлятывізм стварае
небяспечны вакуум агульных каштоўнасцяў і сэнсу”, - выказаў перакананне іерарх.
“Сусветныя
дні моладзі ў Мадрыдзе імкнуцца быць ясным і пераканаўчым адказам на спадзяванні сённяшніх
людзей: што існуе жывая Асоба, імя якой, Езус Хрыстус!” Кардынал Рылка сказаў, што
падзея можа дапамагчы выратаваць моладзь ад “культуры без непарушных пунктаў адліку”,
якая стварае “людзей, якія пазбаўлены цэласных і моцных фундаментаў у жыцці".
Іерарх
лічыць, што месца правядзення Сусветных дзён моладзі ў гэтым годзе ўяўляе мікракосм
сучаснага сутыкненне культур: ад постмадэрнізма да праваслаўнага хрысьціянства. “Іспанія,
як велізарная лабараторыя, дзе сур'ёзныя праблемы і задачы постмадэрнізму выявіліся
з асаблівай сілай: такія, як з'ява секулярызацыі, тэндэнцыі да радыкальнага секулярызму,
законы дзяржавы, якія супярэчаць натуральнаму праву”, - звярнуў увагу ватыканскі кардынал.
Іспанія
ў цяперашні час ва ўмовах эканамічнага крызісу мае самы высокі ўзровень беспрацоўя
сярод прамыслова развітых краінах. На думку іерарха, гэта азначае “без сумневу”, што
іспанскае грамадства “прагне надзеі, і тэрмінова хоча знайсці перспектыву на будучыню”.
Таму
Касцёл у Іспаніі, дзякуючы Сусветным дням моладзі, “заклікана вярнуцца да свайго прароцкага
паклікання і мужнасці новай евангелізацыі”.
Кардынал паўтарае заклік папы Бэнэдыкта
XVI, што “усе маладыя людзі – тыя, хто падзяляе нашу веру ў Езуса Хрыста, але і тыя,
хто вагаецца ці нявызначаны, або хто не верыць у Яго”, запрошаны на Сусветныя дні
моладзі. Яны запрошаны ўдзельнічаць у надзеі, якая можа адыграць “вырашальную ролю
ў іх жыцці” і атрымаць “досвед Пана Езуса, уваскрослага і жывога, і Яго любові да
кожнага з нас”.