Gruaja e presidentit irakian Talabani, në meshën për të plagosurit e Kirkukut
Të krishterët e Irakut u vunë në shënjestër javën që kaloi në Kirkuk, ku një autobombë
shpërtheu të martën pranë kishës së Familjes Shenjte, duke shkaktuar 19 të plagosur,
prej të cilëve, pesë katolikë e të tjerët myslimanë. Të enjten, në meshën e kremtuar
në këtë kishë për t’i dhënë popullsisë një mesazh shprese e paqeje – siç theksoi famullitari,
don Emad Jokahna – qe e pranishme edhe gruaja e presidentit irakian, Xhelal Talabani.
Ndërkaq, një nga eksponentët fetarë myslimanë të bashkësisë së Kirkukut, shehu Abas
Musa theksoi se myslimanët luten së bashku me vëllezërit e krishterë për t’ua bërë
të qartë terroristëve, të cilët nuk bëjnë dallim ndërmjet vendeve të kultit, se e
kanë kuptuar që i vetmi qëllim i tyre është të vrasin të pafajshmit.