Vetëm 11 ditë na ndajnë nga kremtimi i Ditës Botërore të Rinisë, në Madrid.
Vetëm dy javë na ndajnë nga kremtimet e Ditës Botërore të Rinisë 2011. Në të katër
anët e botës, të rinjtë përfundojnë përgatitjet shpirtërore, mbyllin çantat e bëhen
gati për shtegtimin e madh drejt Spanjës, ku do të kremtojnë, rreth Papës, nga data
16 deri më 21 gusht. Ditët kalojnë shpejt e shpejt e në zemrat e të rinjve
shtohet entuziazmi. Do të jetojnë një përvojë të jashtëzakonshme fetare e njerëzore.
Do të njohin miq të rinj, tradita të reja, vise të reja, do të jetojnë çaste të rëndësishme
e të paharrueshme e, sidomos, do të takohen me Krishtin, duke përforcuar fenë. Tashmë
në të katër anët e botës, dëshmitarët e rinj të fesë, kanë nisur të këndojnë Himnin
e Ditës Botëore të Rinisë: “Të fortë në fe, të fortë në fe, me Krishtin
Zot ecim me Krishtin përkrah. Lavdi përgjithmonë në
Krishtin ecim, të pathyeshëm në fe!
Dora jote plagët na i
shëron sytë e tu ne sytë na i përtërijnë. Buzët e tua faljen premtojnë, këmbët
e tua i prijnë hapit tonë.O Krisht, vëllau ynë, o Krisht, miku ynë! Në
Ty, Zoti ynë, gjejmë forcë e guxim!
Edhe të rinjtë shqiptarë
po i përfundojnë përgatitjet e po bëhen gati për nisje. Për hollësirat e përgatitjes
së kësaj dite të madhe, në mikrofonin tonë, dom Vlash Palaj: