Պենետիկտոս ԺԶ Սրբազան Քահանայապետը 2011-ի Հոկտեմբերին Հանդիպում Կ'ունենայ Նոր Աւետարանութեան Գործիչներուն Հետ։

Վատիկանի մէջ, 15 Հոկտեմբերին տեղի պիտի ունենայ նոր աւետարանութեան պատասխանատուներու միջազգային ժողովը։ Պենետիկտոս ԺԶ Սրբազան Քահանայապետը ժողովականներուն հետ այս հանդիպում կ'ունենայ աւելի մօտէն ճանչնալու համար նոր աւետարանութեան իրականութիւնը։
15 հոկտեմբերի առաւօտեան նախատեսուած է . գաղափարներու փոխանակում Պօղոս Զ անուան սրահին մէջ, գլխաւորութեամբը գերապայծառ ֆիզիքելլայի` նախագահը նոր աւետարանութեան քահանայապետական խորհուրդին։ Ապա իտալացի հռչակաւոր մեներգիչ Անտրէա Պոչչելլի համերգ մը պիտի տայ։ Յետմիջօրէին՝ ժողովականները հանդիպում պիտի ունենան Պենետիկտոս ԺԶ Քահանայապետին հետ։
Ասիկա բարեպատեհ առիթ մը պիտի հանդիսանայ քաջալերելու բոլոր անոնք որոնք նուիրուած են ՜՜նոր աւետարանութեան առաքելութեան՝՝։
Երեկոյեան ժողովականները հանդիպում կ'ունենան Հռոմի թեմի եւ քաղաքապետարանի պատասխանատուներուն հետ։
Յաջորդ օրը, կիրակի 16 հոկտեմբերին, Ս. պետրոս տաճարին մէջ Պենետիկտոս ԺԶ Քահանայապետը պիտի հանդիսապետէ Ս. Պատարագը, ժողովականներու մասնակցութեամբ։