Амерыканскі іерарх: аднаўленне Касцёла пачынаецца не з крытыкі іншых
Паводле арцыбіскупа
амерыканскага Дэнвера Чарльза Чапута, сапраўдная рэформа Касцёла патрабуе глыбокай
веры і пакаяння ад усіх яго членаў, у тым ліку духавенства, кансэкраваных асоб i свецкіх.
“Аднаўленне пачынаецца не з крытыкі іншых, але з сумленнага погляду на сябе, праз
жаль за ўласныя грахі, а таксама праз змену сябе”, - падкрэсліў іерарх. “Мы ўсе мае
патрэбу ў міласэрнасці Божай. Калі мы сапраўды зразумеем, што можам размаўляць адзін
з адным з сумленнасцю і любоўю, ад гэтага можа пачацца місія аднаўлення Касцёла”.
Аб
гэтым арцыбіскуп Чапут заявіў на штогадовым 129-м з’ездзе Рыцараў Калумба, які праходзіць
у Дэнверы 2-4 жніўня. Урачыстую св. Імшу на адкрыццё форуму цэлебравалі 10 кардыналаў,
70 арцыбіскупа і біскупаў і больш за 100 святароў.
Падчас сваёй гаміліі арцыбіскуп
Чапут падкрэсліў, што разам з пакаяннем, “другая неабходная для кожнай рэформы Касцёла
якасць” – гэта вера. “Не вера, як тэалогія, ці сукупнасць дактрын і практык, але вера
як мэтанакіраваная ўпэўненасць у Богу”, і вера, “як рызыка, запал, безкампраміснасць,
каб аддаць сябе цалкам Езусу Хрысту”, - сказаў ён. Паводле іерарха, кіраўнічая роля
духавенства ў Касцёле заўсёды павінна быць заснавана на пакоры і службе “і ніколі
толькі на “пачуцці права”.
У штогадовым з’ездзе Рыцараў Калумба ў Дэнверы
прымае ўдзел 500 дэлегатаў.