Бэнэдыкт XVI прыняў рашэнне па канфлікце паміж харвацкай дыяцэзіяй і італьянскім кляштарам
2 жніўня Заля Друку
Апостальскай Сталіцы апублікавала паведамленне, якое адлюстроўвае пазіцыю Святога
Пасаду ў сувязі з навінамі, якія з’явіліся ў некаторых СМІ Харватыі і Італіі адносна
канфлікта паміж харвацкай дыяцэзіяй Парэнца і Пола і бэнэдыктынскім кляштарам у Пральі,
у Італіі.
У спецыяльным паведамленні адзначаецца, што гэты канфлікт “мае выключна
касцёльны характар”. Але ён, нажаль, быў выкарыстаны для палітычных і дэмагагічных
мэтаў, з “магчымай мэтай прычынення шкоды Харватыі”. Аднак, “рашэнне Апостальскай
Сталіцы спрыяе выключна аднаўленню справядлівасці унутры Касцёла, хоць толькі з частковай
кампенсацыяй”, - гаворыцца ў паведамленні. Гэта рашэнне было прынята пасля раследвання
Апостальскай Сталіцай канфлікта, які пачаўся ў 2004 г. 21 лістапада 2008 г. папа Бэнэдыкт
XVI стварыў спецыяльную кардынальскую камісію. Пасля ўважлівага даследвання дамовы
паміж абодвума бакамі і некаторых аднабаковых рашэнняў касцёльных уладаў дыяцэзіі
Парэнца і Пола, у снежні 2010 г. высновы Камісіі былі прадстаўлены Святому Айцу, які
зацвердзіў іх”.
Святы Айцец пастанавіў, што “нерухомая ўласнасць, якой у сувязі
з гістрычнымі акалічнасцямі валодала дыяцэзія, была перададзена ў валоднанне харвацкай
кампаніі “Аbbazia”, насуперак пажаданню былога ўладальніка і ахвярадаўцы”. “Таму,
- гаворыцца ў паведамленні - дыяцэзія абавязана кампенсаваць шкоду, нанесеную бэнэдыктынскаму
кляштару ў Пральі, хоць зрабіць гэта ў поўнай меры немагчыма”. Гэта тлумачыцца тым,
што “каштоўнасць уласнасці, прададзенай дыяцэзіяй, нашмат большая”.
У паведамленні
Апостальскай Сталіцы адзначаецца, што біскуп дыяцэзіі Парэнца і Пола, “негледзячы
на тое, што першапачаткова пагадзіўся ўдзельнічаць у перамовах з бэнэдыктынцамі, з
мэтай знайсці ўнутрыкасцёльнае рашэнне, нажаль адышоў ад гэтай пазіцыі”, “адмовіўшыся
падпісваць пагадненне, якое б мела законную сілу”. Па рашэнні Пантыфіка, на пасаду
спецыяльнага камісара “ad actum” па гэтым пытанні быў прызначаны арцыбіскуп Сантас
Абрыл і Кастэлла, які атрымаў кампетэнцыю замяніць мясцовага іерарха ў вырашэнні гэтай
праблемы. “Матывы дзейнасці кіраўніцтва дыяцэзіі Парэнца і Пола былі разгледжаны і
прыняты пад увагу, згодна з прынцыпамі справядівасці і правасудзя, і знайшлі сваё
адлюстраванне ў рашэнні Пантыфіка. Таму вызывае шкадаванне яго аспрэчванне і абвінавачванні
ў недакладным разглядзе справы”, - адзначаецца ў паведамленні Апостальскай Сталіцы.