30 ліпеня адзначыў
55-й дзень нараджэння асабісты сакратар Святога Айца Бэнэдыкта XVI кс.пралат Георг
Генсвайн. Гэты святар, які з’яўляецца доктарам кананічнага права, стаў сакратаром
кардынал Ёзэфа Ратцынгера, яшчэ ў 2004 г., калі будучы Пантыфік быў прэфектам Кангрэгацыі
Веравучэння. З таго часу ён заўсёды знаходзіцца побач з Папам, часта з’яўлецца яго
дарадцам і арганізуе працу Святога Айца.
Нарадзіўся кс. Георг Генсвайн 30 ліпеня
1956 г. у мястэчку Вальдшут у Шварцвальдзе ў Германіі. Вучыўся ў Фрыбургу і Рыме.
Пасля святарскага пасвячэння ў 1984 г. працаваў у сваёй роднай дыяцэзіі, а затым быў
накіраваны вывучаць кананічнае права ў Мюнхен, дзе атрымаў доктарскую ступень. У 1994
г. кс. Гансвайн, стаў асабістым сакратаром арцыбіскупа Фрыбурга і пробашчам катэдральнага
касцёла.
У 1996 г. пачаў працу ў Кангрэгацыі Веравучэння. З 2000 г. з’яўляецца
прэлатам. Калі 6 студзеня 2004 г. сакратар кардынала Ратцынгера кс. Ёзэф Клеменс прыняў
біскупскае пасвячэнне, кс. Георг быў прызначаны сакратаром будучага Пантыфіка.
У
вольны час сакратар Святога Айца шмат чытае і займаецца спортам: любіць тэніс, горныя
вандроўкі і лыжы.