“Octava Dies”. Сусветныя дні моладзі – тры пакаленні
Кс. Фэдэрыко Ламбардзі,
кіраўнік Залі Друку Апостальскай Сталіцы і Ватыканскага радыё, прысвяціў сваё штотыднёвае
разважанне ў рубрыцы “Octava Dies” маючым адбыцца 16-22 жніўня ў Мадрыдзе Сусветным
дням моладзі.
“Кардынал Рока Валера, які у якасці біскупа прымаў Сусветныя
дні моладзі у Санцьяга дэ Кампастэла дваццаць гадоў таму, і цяпер зноў прымае іх у
Мадрыдзе, казаў аб трох пакаленнях моладзі гэтага форума”, - кажа кс. Ламбардзі.
“Першае,
гэта пакаленне 1968 г., натхнённае рэвалюцыйнымі ідэямі з усімі іх супярэчнасцямі.
Другое, пакаленне 1989 г., якое жыло ў часы падзення сцен і знаёмства з шырокімі гарызонтамі
адкрытымі Янам Паўлам ІІ. Яно было больш уважлівым да духоўнага вымярэння. Трэццяе,
пакаленне двухтысячных гадоў, “пакаленне інтэрнэта і сацыяльных сетак” – моладзь лічбавага
катынента”, адзначыў кс. Фэдырыко Ламбардзі.
Ён падкрэсліў, што такое разуменне
моладзі канешне вельмі спрошчанае, аднак відавочна, што свет змяняецца вельмі хутка,
і менавіта моладзь з’яўляецца першай, хто адчувае і разважае аб пераменах у канкрэтным
жыцці, ментальнасці і паводзінах.
“Ітак, мы едзем у Мадрыд разам з Папам з
гатоўнасцю прыняць новы выклік: абвяшчаць Хрыста менавіта гэтаму пакаленню, і заклікаць
яго самаго стаць галоўнай дзеючай асобай гэтага абвяшчэння у новых прасторах свайго
жыцця - на кантынентах геаграфічных і лічбавых. - кажа дырэктар Ватыканскага радыё
- Гэты выклік можа спужаць і падавацца цяжкім, але – як кажа тэма Сусветных дзён моладзі
– калі, мы “укаранёныя і зацверджаныя ў Хрысце”, тады можам “моцныя верай” глядзець
наперад з даверам. “Таму, чэрпаючы з каранёў, якімі з’яўляецца Хрыстус, многія пакаленні
маладых людзей здолелі пабудаваць з надзеяй і радасцю сваю будучыню. Магчыма таксама
і гэта”, - кажа у сваёй штотыднёвай рубрыцы кс. Фэдэрыко Ламбардзі.