Ռմբակոծումները կը շարունակուին հակառակ Ռամատանի մօտենալուն,
Թրիփոլիի առաքելական տեղապահը ցաւ կը յայտնէ Ատլանտեան ուխտի ու Եւրոպայի անտարբերութեան
ի տես։ Թրիփոլիի առաքելական տեղապահը` գերապայծառ Մարթինելլի իր ցաւը յայտնած
է Ատլանտեան ուխտի ու Եւրոպայի անտարբերութեան ի տես զինադադարի` Ռամատանի իսլամական
նուիրական ամսոյն առթիւ։ Բոլոր լիպիացիներու համար Ռամատանը կը մնայ նուիրական ամիս եւ
այդ զգացումը պէտք է որ յարգուի։ Ատլանտեան ուխտը իր կարգին յայտնած է թէ կարելի է յարգել
Ռամատանը պայմանաւ որ Մուամմար ալ Գատաֆիի ոյժերը իրենց կարգին յարգեն զինադադարը։ Թրիփոլիի
առաքելական տեղապահը միաժամանակ դիտել տուած է որ Լիպիայի դէմ շարունակւող ռմբակոծումները
չեն թուիր նպատակդրել լոկ զինուական թիրախներ այլեւ քաղացիական նշաններ, ինչպէս վերջերս
ռմբակոծուած են կիրակուրի մթերանոցներ, ընկերային կեդրոններ։ Ի՞նչ իրաւունքով կարելի
է ռմբակոծել կիրակուրի մթերանոցներ հարց տուած է գերապայծառ Մարթինելլի, ընգծելով թէ
բնակիչները հոգեբանական ճնշումի ենթարկուած են Ատլանտեան ուխտի միշտատեւ թռիչքներու հետեւանքով։