28 ജൂലൈ 2011, ന്യൂയോര്ക്ക് അനുവര്ഷം 10 ലക്ഷം പേരുടെ ജീവന് അപഹിക്കുന്ന മഞ്ഞപ്പിത്തം
ഇല്ലാതാക്കുമെന്ന്, ലോകാരോഗ്യ സംഘടനയുടെ ഡയറക്ടര് ജനറല് (World Health Organization)
ന്യൂയോര്ക്കില് പ്രസ്താവിച്ചു. ജൂലൈ 28-ാം തിയതി പ്രഥമ ആഗോള മഞ്ഞപ്പിത്ത ദിനം ആചരിച്ചുകൊണ്ട്
ഐക്യ രാഷ്ട്ര സംഘട പുറത്തിറക്കിയ പ്രചരണപത്രികയിലാണ് രോഗനിവാരണ പ്രസ്താവന ഇറക്കിയത്. ലോകത്ത്
എവിടെയും എല്ലാവരെയും ബാധിക്കുന്ന ഈ പകര്ച്ചവ്യാധി നിയന്ത്രിക്കാനും ഇല്ലാതാക്കുവാനും
സാധിക്കുമെന്ന് ലോകാരോഗ്യ സംഘടനയുടെ ഡയറക്ടര് ജനറല്, മാര്ഗ്രറ്റ് ചാന് പ്രസ്താവിച്ചു. പല
തരത്തിലിറങ്ങുകയും കരളിനെ ബാധിച്ച് ജീവന് അപഹരിക്കുകയും ചെയ്യുന്ന ഈ വിഷാണുരോഗത്തെ
viral disease അറിഞ്ഞ് പ്രതിരോധിക്കണമെന്ന് പത്രിക ചൂണ്ടിക്കാട്ടി. ആഗോള തലത്തില്
200 കോടിയിലധികം ജനങ്ങളെ ഈ രോഗം ബാധിച്ചിട്ടുണ്ടെന്നും, അനുവര്ഷം 10 ലക്ഷത്തിലധികം പേര്
മഞ്ഞപ്പിത്തം മൂലം മരണമടയുന്നു എന്നുമുള്ള വസ്തുതകള് കണക്കിലെടുക്കുമ്പോള് വര്ദ്ധിച്ച
ശ്രദ്ധയോടും സമര്പ്പണത്തോടുംകൂടെ മനുഷ്യകുലത്തിന്റെ മാരകശത്രുവിനെ നേരിടേണ്ടതാണെന്ന്
ഡോക്ടര് ചാന് പ്രസ്താവിച്ചു.